2015 jylǵy 28 jeltoqsan, Astana qalasy
Memlekettik satyp alý salasynda óz qyzmetin júzege asyratyn jumyskerlerdi qaıta daıarlaý jáne olardyń biliktiligin arttyrý qaǵıdalaryn bekitý týraly
«Memlekettik satyp alý týraly» Qazaqstan Respýblıkasynyń 2015 jylǵy 4 jeltoqsandaǵy Zańynyń 16-baby 8) tarmaqshasyna sáıkes buıyramyn:
1. Memlekettik satyp alý salasynda óz qyzmetin júzege asyratyn jumyskerlerdi qaıta daıarlaý jáne olardyń biliktiligin arttyrý qaǵıdalary bekitilsin.
2. Qazaqstan Respýblıkasy Qarjy mınıstriniń «Memlekettik satyp alý salasynda mamandardy qaıta daıarlaý jáne olardyń biliktiligin arttyrý qaǵıdalaryn bekitý týraly» 2015 jylǵy 30 naýryzdaǵy № 232 buıryǵy (Normatıvtik quqyqtyq aktilerdi memlekettik tirkeý tiziliminde № 10854 bolyp tirkelgen, «Ádilet» aqparattyq-quqyqtyq júıesinde 2015 jylǵy 20 mamyrda jarııalanǵan) kúshi joıyldy dep tanylsyn.
3. Qazaqstan Respýblıkasy Qarjy mınıstrliginiń Memlekettik satyp alý zańnamasy departamenti (S.M. Ahmetov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqtyń Qazaqstan Respýblıkasy Qarjy mınıstrliginiń ınternet-resýrsynda ornalastyrylýyn qamtamasyz etsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr B.SULTANOV
Qazaqstan Respýblıkasy Qarjy mınıstriniń 2015 jylǵy 28 jeltoqsandaǵy №697 buıryǵymen bekitilgen
Memlekettik satyp alý salasynda óz qyzmetin júzege asyratyn jumyskerlerdi qaıta daıarlaý jáne olardyń biliktiligin arttyrý qaǵıdalary
Memlekettik satyp alý salasynda óz qyzmetin júzege asyratyn jumyskerlerdi qaıta daıarlaý jáne olardyń biliktiligin arttyrý qaǵıdalary (budan ári – Qaǵıdalar) «Memlekettik satyp alý týraly» Qazaqstan Respýblıkasynyń 2015 jylǵy 4 jeltoqsandaǵy Zańynyń (budan ári – Zań) 16-baby 8) tarmaqshasyna sáıkes ázirlendi jáne memlekettik satyp alý salasynda óz qyzmetin júzege asyratyn jumyskerlerdi qaıta daıarlaý jáne olardyń biliktiligin arttyrý tártibin anyqtaıdy.
Osy Qaǵıdalarda mynadaı negizgi uǵymdar paıdalanylady:
bilim berý uıymdary – qosymsha bilim berýdiń oqý baǵdarlamalaryn iske asyratyn oqý oryndary;
tapsyrys berýshi – ulttyq basqarýshy holdıngterdi, ulttyq holdıngterdi, ulttyq basqarýshy kompanııalardy, ulttyq kompanııalardy jáne olarmen úlestes zańdy tulǵalardy, Qazaqstan Respýblıkasynyń Ulttyq Bankin, onyń vedomstvolaryn, Qazaqstan Respýblıkasy Ulttyq Bankiniń qurylymyna kiretin uıymdardy jáne daýys beretin aksııalarynyń (jarǵylyq kapıtalǵa qatysý úlesteriniń) elý jáne odan da kóp paıyzy Qazaqstan Respýblıkasynyń Ulttyq Bankine tıesili nemese onyń senimgerlik basqarýyndaǵy zańdy tulǵalardy jáne olarmen úlestes zańdy tulǵalardy qospaǵanda, memlekettik organdar, memlekettik mekemeler, sondaı-aq memlekettik kásiporyndar, daýys beretin aksııalarynyń (jarǵylyq kapıtalǵa qatysý úlesteriniń) elý jáne odan da kóp paıyzy memleketke tıesili zańdy tulǵalar jáne olarmen úlestes zańdy tulǵalar.
2. Memlekettik satyp alý salasynda óz qyzmetin júzege asyratyn jumyskerlerdi (budan ári – mamandar) qaıta daıarlaýdy jáne olardyń biliktiligin arttyrýdy bilim berý uıymdary júrgizedi.
3. Bilim berý uıymdary mamandardy qaıta daıarlaý jáne olardyń biliktiligin arttyrý jónindegi oqý baǵdarlamalaryn «Bilim týraly» Qazaqstan Respýblıkasynyń 2007 jylǵy 27 shildedegi Zańynyń 43-babyna sáıkes ázirleıdi jáne bekitedi.
4. Mamandardy oqytý bekitilgen oqý baǵdarlamalaryna saı júrgiziledi.
Oqý baǵdarlamalar mindetti túrde semınarlardyń mynadaı taqyryptaryn:
1) memlekettik satyp alýdy ótkizý prosesinde qalyptastyrylatyn konkýrstyq qujattamany, tehnıkalyq erekshelikti jáne ózge de qujattardy ázirleý jáne bekitý;
2) memlekettik satyp alý aıasynda zańnama normalaryn túsindirý boıynsha zańdy jáne jeke tulǵalardyń ótinishterin qaraý jónindegi praktıkalyq kýrs;
3) memlekettik satyp alý aıasynda zańnamany saqtaýdyń sáıkestik aýdıtiniń negizgi aspektilerin zerdeleý boıynsha praktıkalyq kýrsty qamtıdy.
Qaıta daıarlaý jáne biliktilik arttyrýdan ótken mamandarǵa Qazaqstan Respýblıkasynyń bilim berý salasyndaǵy zańnamasyna sáıkes qujat beriledi.
5. Oqý baǵdarlamasynyń jalpy saǵat sanynyń keminde 50%-yn, tapsyrys berýshilerdiń memlekettik satyp alýdy uıymdastyrý jáne ótkizý rásimderiniń oryndalýyna jaýapty qyzmetkerleri arasynan praktıkalyq jumyskerlerdi, sondaı-aq joǵaryda kórsetilgen rásimderdi baqylaýdy júzege asyratyn memlekettik organdardyń qyzmetkerlerin tarta otyryp, memlekettik satyp alýdy uıymdastyrý jáne ótkizý praktıkasyn zerdeleý quraıdy.
6. Bilim berý uıymdary:
oqytýshylyq qyzmetke memlekettik organdardyń, bilim berý uıymdarynyń memlekettik satyp alý aıasynda keminde 2 jyl jumys tájirıbesi bar qyzmetkerlerin jáne jeke tulǵalardy tartady;
memlekettik satyp alý jónindegi ýákiletti organǵa jyl saıyn osy Qaǵıdalardyń 4-tarmaǵynda kórsetilgen qujatty alǵan tulǵalardyń tizimin beredi.
Buıryq Qazaqstan Respýblıkasynyń Ádilet mınıstrliginde 2015 jylǵy 30 jeltoqsanda Normatıvtik quqyqtyq kesimderdi memlekettik tirkeýdiń tizilimine №12667 bolyp engizildi.